അനശ്വരമെന്ന് ആർത്തി കൊണ്ട്
പറഞ്ഞു പോകുന്നതാണ്
നശ്വരമല്ലാതെ എന്തുണ്ടിവിടെ
ഒരിക്കൽ ഈ ഭൂഗോളവും നശിക്കില്ലെന്ന് -
ആരറിഞ്ഞു!
കോപം കൊണ്ട് ജ്വലിക്കുന്നതെന്തിന്
കാറ്റിൻ്റെ വേഗതയെക്കുറിച്ച് നിനക്കെ-
ന്തറിയാം
മുറിവേറ്റകാലുമായി മുടന്തിയാണ്നടപ്പ്
മോഹങ്ങളുടെ മകുടമാണ് മൂർദ്ധാവിൽ
യുദ്ധത്തിലാണ് എപ്പോഴും
ആർത്തിയാണ് പെരുത്തു വരുന്നത്
ശത്രുക്കളെ സൃഷ്ടിച്ചു കൊണ്ട് മുന്നേറ്റം
രക്തത്തിലും, ശവത്തിലും ചവുട്ടി
പറഞ്ഞുകൊണ്ടിരിക്കുമ്പോൾമറിഞ്ഞു -
വീഴും ജീവൻ
ഹൃദയമായിരുന്നു പരിച നീ വാളും
ഒടുക്കം,
നീ തന്നെ നിന്നെ വെട്ടിവീഴ്ത്തുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ