പ്രണയം ഇങ്ങനെ........

പ്രണയം വിശുദ്ധ കൂദാശയാണ്
ചുംബനത്തിൻ്റെ സീൽക്കാരങ്ങൾ
പ്രണയത്തിൻ്റെ ലുത്തിനിയയും

പ്രണയം മൗനം കൊണ്ടുള്ള വാക്കു-
കളുടെ പെയ്ത്താണ്
കുളിരിൻ്റെ പൊള്ളും വേവാണ്
പ്രണയികളുടെ ഹൃദയമിടിപ്പിന്
വിജനഗോപുരത്തിലെപ്രാവുകൾ
ചിറകടിക്കുന്ന ഒച്ചയാണ്

കണ്ണുകൾക്ക് നക്ഷത്ര തിളക്കം
ഓരോ സ്പർശവും ഓർമ്മകളെ
ഉടലിൽ നിന്നും അഴിച്ചു കളയൽ
വിറയാർന്ന പുഞ്ചിരിയിൽവിവ-
സ്ത്രനാണം

ചുണ്ടുകൾ ചുണ്ടുകളെ ഇരപിടി -
ക്കുന്നു
ഉഷ്ണ ഞരമ്പുകൾ സർപ്പളങ്ങളായ്
പറുദീസയിലേക്കുണരുന്നു
പ്രണയം ലില്ലിപ്പൂക്കളുടെ ഉദ്യാനമാണ്
അവ ജീവൻ്റെകനി നട്ടുനനയ്ക്കുന്നു.