എത്ര കാലം കഴിഞ്ഞാലും
മകൻ മരിച്ചൊരമ്മ
നിങ്ങൾ കാണുന്ന അമ്മയേയല്ല
ആകപ്പാടെ ഒരു പൊരിച്ചലാണ്
ഉണ്ണുമ്പോൾ, ഉറങ്ങുമ്പോൾ,
ഇറങ്കല്ലൊന്നനങ്ങിയാൽ, വാതിലൊ-
ന്നടഞ്ഞാൽ
ആഴമുറ്റഹൃദയത്തിൽ
വേദനയുടെ രക്തപ്രവാഹമാണ്
കലങ്ങിത്തുളുമ്പുന്ന കണ്ണിൽ നിന്ന്
ഒലിച്ചിറങ്ങുന്നത് കടലാണ്
ചുട്ടുപൊള്ളുന്ന നെഞ്ചിൻ ചൂടിൽ,-
മിടിപ്പിൽ
ഉണങ്ങിച്ചുളിഞ്ഞ മാറിടത്തിൽ, മാംസ -
ത്തിൽ
അസ്ഥിയിൽ, മജ്ജയിൽ ഓർമ്മകളുടെ
ഓളംതല്ലലാണ്
നിലാവ് ഒരു നുകപ്പാടുയരുമ്പോൾ
ഒരു ഘോഷാസ്ത്രീയെപ്പോലെ
മഴക്കാറിനുള്ളിൽ മറഞ്ഞു നിൽ-
ക്കുമ്പോൾ
ഏകാന്തതയുടെ കനലടുപ്പിൽ
ചിന്തകളുടെ ചിലന്തിവലയിൽ പിടയു-
മ്പോൾ
ഒറ്റവിതുമ്പലോ, പിറുപിറുക്കലോ,
ശ്മശാന മൂകതയോ ആണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ