പ്രിയേ,
എന്നാണ്
നമ്മളെ നമുക്ക്നമ്മളിൽനഷ്ടപ്പെടുക
ഉടൽ നിറയേ താളവും
സിരനിറയേ സംഗീതവും നിറയുക
പ്രിയേ,
എന്നാണ്
ചുണ്ടിലെചൂടുള്ള തുളുമ്പുംമധുവിനായ്
സൂചിമുഖിപക്ഷിയായൊന്നു ചേരുക
നെഞ്ചിൻനെരിപ്പോട് തട്ടിമറിച്ചുനാം
നെറുകയിൽചെമ്പക പൂവായിപൂക്കുക
പ്രിയേ,
എന്നാണ്
മിഴിയിലെമഴവില്ലിൻ പാലത്തിൽവെച്ചുനാം
ഹേമന്തശീതത്തെ കെട്ടിപ്പുണരുക
ഗ്രീഷ്മത്തിൻവഹ്നിയിൽ വെന്തുരുകീടുക
പ്രിയേ,
എന്നാണ്
ഉണർച്ചയാൽ ഉരുകിയടരുവാൻ വെമ്പുന്ന
മേഘങ്ങളായിനാം കൂട്ടിമുട്ടീടുക
ഹരിത മോഹങ്ങളിൽ ഹിമമണിയായി
ലയലാസ്യരാഗമായ് തളർന്നുമയങ്ങുക
പ്രിയേ,
എന്നാണിനി
നമ്മളേ നമുക്ക് തിരിച്ചുകിട്ടുക
മതത്തിൻമതിലിൻ്റെ ചങ്ങലപൂട്ടിൽ -
നിന്നെന്നാണിനിനമ്മൾ മോചിതരാകുക
തൊണ്ടയിൽ കുരുങ്ങി പിടയുന്നു ഗദ്ഗദം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ