മഴ നനഞ്ഞ വഴിയിലൂടെ
മടങ്ങിപ്പോകണം
തിരക്കുകളൊഴിഞ്ഞ
സാധാരണ ജീവിതത്തിലേക്ക്.
ഓമനത്വം തുളുമ്പുന്ന
ഓർമത്തുരുത്തിലേക്ക്.
കുന്നിൻ ചെരുവിലെ
കുനുകുനേപെയ്യുന്ന
മഴയൊന്ന് നനയണം.
കന്നി വെയിൽ കായണം
"വാലാൽ ചില്ലത്തുമ്പിൽ ചുറ്റി-
വരിഞ്ഞുകിടന്നൊന്നാടണം"
ചേമ്പിലവട്ടിയിൽ
പൂക്കൾ നിറക്കണം
ചേലൊത്ത ചേറിൽ
ചാടിക്കളിക്കണം
മഴനനഞ്ഞ വഴിയിലൂടെ
മടങ്ങിപ്പോകണം
മറമാടിയ മണ്ണിൽ നിന്നും
മാടി വിളിക്കുന്നെന്നമ്മതൻ
മാറിലേക്കു ചായണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ