വിളമ്പി വെയ്ക്കുന്നത്

അവന്റെ യിടനെഞ്ചിൽ
കുത്തി നിർത്തിയ കത്തി
അമ്മതൻ ഗർഭപാത്രത്തി
ലല്ലയോ തറയ്ക്കുന്നു.
അവന്റെ ശിരസ്സറ്റു വീ
ണോരു ചുണ്ടിൽ
അമ്മതൻ പാലല്ലോ
ഇടറി വീഴുന്നു
സ്ഫോടനത്താലൊരു
പ്രാണൻ പിടയുമ്പോൾ
ചിന്നിച്ചിതറുന്ന,തമ്മതൻ
ചോര
ചോരി വായിലമ്മിഞ്ഞ
യിറ്റിച്ചുനൽകുമ്പോൾ
എന്തെന്തു സ്വപ്നങ്ങളാ
യിരുന്നമ്മയ്ക്ക്
പുതിയ ,ലോകംപടുക്കുന്ന
മക്കളെ
പാപികൾകല്ലെറിയുന്നിവിടെ
"എങ്ങനെ നമ്മൾ നമ്മളായെന്ന് "
അറിയാതൊരുകൂട്ടം കാട്ടാളരിന്നും
കാവി ചുറ്റിയ സന്ധ്യകളെ മാത്രം
സ്വപ്നം കണ്ടു നടക്കുന്നു ,യിന്നും
അവര,മ്മ തൻ മുലയറുക്കുന്നു
അവരമ്മതൻ ചോര നുണയുന്നു
അവർ ജാതിയെ മതത്തെ തിര
യുന്നു
അവർ നിറങ്ങളെ നിങ്ങളെ തിര
യുന്നു
അവർ നിത്യവും അമ്മയ്ക്കു
മുന്നിൽ
പച്ച മാംസം വിളമ്പി വെച്ചീടുന്നു