കണ്ടിട്ടുണ്ടോ നിങ്ങൾ?
ആടലോടകം, ആര്യവേപ്പ്,
ആവണക്ക്, എരുക്ക് .
കേട്ടിട്ടുണ്ടോ നിങ്ങൾ?
കുറുന്തോട്ടി, മുത്തങ്ങ ,
നന്നാറി, കണ്ണാന്തളി,
ഉമ്മം, കറുക,ചതുകുപ്പ,
ചെറൂള.
മർമ്മ വൈദ്യൻ തൊടുന്ന
തെല്ലാം മർമ്മമെന്നപ്പോലെ
മുത്തച്ഛനൊപ്പം തൊടിയിലേ
ക്കിറങ്ങിയാൽ
ചവിട്ടുന്നതും തൊടുന്നതു
മെല്ലാം
ഔഷധ സസ്യങ്ങൾ.
ചരകനും, സുശ്രുതനും, വാഗ്-
ഭടനും
മുന്നൂറ്റി നാൽപ്പത്തിയൊന്ന്
ഔഷധ സസ്യങ്ങളും
സമകാലീനരാണെന്നു തോന്നും
മുത്തച്ഛനെ കേൾക്കുമ്പോൾ.
തൊടികളെല്ലാം തുണ്ടുതുണ്ടായി
ഔഷധസസ്യങ്ങളെല്ലാം
നട്ടാമുളക്കാത്ത നുണകളായി.
കാടുകളായി കരുതിയവയൊകെ
കരുതലുകളായിരുന്നു
പഴയവയൊക്കെ പാതാളത്തിലേക്ക്
താഴ്ത്തി
പരിഷ്കാരത്തിന്റെ പടവുകൾ
പടുക്കുമ്പോൾ
കരുതിയിരുന്നില്ല നാടുനീങ്ങിയവ
നന്മയെന്ന്,
തിരഞ്ഞു പോകുന്നുണ്ടിപ്പോൾ
തിരിച്ചുപിടിക്കാൻ ജീവനത്തെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ