കടലിനെ നോക്കി ഒരു കുടിലിരിക്കുന്നു
കരയിൽ പിടിച്ചിട്ട മീനിനെപ്പോലെ അതി -
ലൊരുവളിരിക്കുന്നു
രാത്രി വലയിട്ടുപിടിച്ചിരിക്കുന്നു കടലിനെ
കറു കറുത്ത പേശികളുരുട്ടി വലിച്ചു
കയറ്റാൻ ശ്രമിക്കുന്നു
മീനിനെപ്പോലെ കുതറി മാറാൻ ശ്രമിക്കുന്നു
ണ്ട് തിരകൾ
ഒരമ്പിളി തേങ്ങാപ്പൂള് പടിഞ്ഞാറേ ചെരുവിൽ
കാത്തിരിക്കുന്നു കാക്കയെ
ചത്ത ഒരുമത്തി ചരുവത്തിലെജലപേടക
ത്തിൽ
അന്ത്യകൂദാശ കാത്തിരിക്കുന്നു
കലിതുളളിയ കടലിന്റെ കൂറ്റിൽ
മിണ്ടാൻ മറന്ന് അവൾ
മിഴി പൂട്ടാൻ മറന്ന് കുടിൽ
മഴ മിഴിനീരു പൊഴിക്കുന്ന പുലരി
രക്തമിറ്റുന്ന തിരുമുറിവു പോലെ
ചുവക്കുന്ന കിഴക്കൻമല
കടൽ അമ്മയാണ്
അമ്മ അന്നമാണ്
അറിവില്ലായ്മയിലും അളവില്ലാതെ
വാരിക്കൊടുത്ത അമ്മ
പ്രാർത്ഥനക്കണ്ണ് അക്കരെനട്ട്
കാത്തിരിക്കുന്നു അവൾ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ