വിശപ്പിന്റെ അപ്പംഅവൻ ഭക്ഷിച്ചു
വിയർപ്പിൻ ജലം പാനം ചെയ്തു
ശരീരം അവനോടു പറഞ്ഞു:
ആത്മാവിന്റെ കരുത്ത് പോര
അപ്പത്തിന്റെ ബലത്തിലേ ജീവിതം
നിലനിൽക്കു
അപ്പം കരുത്താകുന്നു
ആത്മാവിന്റെ ബലമാകുന്നു.
ശരീരത്തെ അവൻ അവഗണിച്ചു
ആത്മാവിനെ ആഹരിച്ചു
വിശപ്പ് കാർന്നു കഴിയാറായ
ശരീരം
പിന്നെയും പറഞ്ഞു:
നോക്കൂ അവരൊക്കെ അവരുടെ
നേട്ടങ്ങളിൽ അഭിരമിക്കുന്നു
വനങ്ങളെ തിന്നുന്നു ,പുഴകളെ
കുടിക്കുന്നു ,ലഹരിയുടെ നീല
ജ്വാലകളിലാറാടുന്നു
പിന്നെ താമസിച്ചില്ല, അവൻ
ശരീരത്തെ ഉപേക്ഷിച്ച്
ആത്മാവിന്റെ ചിറകിലേറി
അനന്തതയിലേക്ക് ആണ്ടു പോയി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ