കാലം തട്ടിത്തൂവിയചായമാണിന്ന്
കേരളം
ആയുസ്സിൽ ഞാനൊരിക്കൽ മാത്രം
കണ്ട അപൂർവ്വ വർണ്ണം
നഷ്ടബോധത്തിലേക്ക് ,അറ്റുപോകുന്ന
സന്തോഷത്തിലേക്ക്,
ആത്മവീര്യം തകർത്ത് പ്രാണനെ പിടിച്ചു
പറിക്കുന്ന
ഈ വർണ്ണമിനിയെനിക്കു കാണണ്ട
കാലമേ, ഛത്രം തന്നില്ലെങ്കിലും
വരക്കരുത് ഇനിയും നീ ഇത്തരം
ചിത്രങ്ങൾ
തീരാവേദനയിൽ പുളയുന്ന ഒരു മനസ്സ്
നൽകരുത് നീ
ഇനിയും നീ ഉരിയരുത് ഭൂമി മാതാവിൻ
ഉടയാട
ദുഗ്ധമൊഴുക്കുമാ മാറിടം കുത്തി
ക്കീറരുത്
ജലം കൊണ്ടു പൊള്ളിപ്പോയവർ ഞങ്ങൾ
ഇനിയും ഹൃദയത്തിലേക്കു തന്നെ
പതിപ്പിക്കരുത് ആവീതുളി.
അരുമയാം മക്കളെല്ലാവരും ഒരുമയോടെ
അമ്മവട്ടിയിൽ സ്നേഹാക്ഷരങ്ങൾ
കുറിക്കയാണിപ്പോൾ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ