എല്ലാ കാലവും ഒരു പോലെയെന്ന് നിനച്ചു പോകരുത്

ഒറ്റത്തുള്ളിയും തുളുമ്പിപോയേക്കാം
ചില നേരങ്ങളിൽ.....!
ഉയർത്തി കെട്ടിയതെല്ലാം
താഴ്ത്തികെട്ടേണ്ടതെന്ന്
ഓർമപ്പെടുത്തിയേക്കാം.
കുത്തിനോവിച്ചവരും
നഗ്നതയിൽ ഉഴവുചാലു തീർത്തവരും
കുത്തിയൊലിക്കുന്ന വെള്ളത്തിൻ
നടുവിൽ
ഒരിറ്റു വെള്ളത്തിന് യാചിച്ച്പിടഞ്ഞു -
മരിച്ചേക്കാം
വെട്ടിപ്പിടിച്ചവയൊക്കെ വേട്ടയാടപെ-
ട്ടേക്കാം
പൂപ്പലുകെട്ടിയ മനസ്സുകളിൽ
പുത്തനുണർവുകൾ ഉണരുമ്പോഴേക്കും
എല്ലാം അവസാനിച്ചേക്കാം
അഹന്തയുടെ ആൾ കണ്ണാടി
ഉടഞ്ഞു വീഴുമ്പോൾ
വലിയവനെന്നോ ചെറിയവനെന്നോയില്ല
നിന്റെ അഹങ്കാരത്തിന്റേയും, അധികാ
രത്തിന്റേയും കുന്നുകൾ ഒലിച്ചുപോകു-
മെന്ന്
കാട്ടി തന്നേക്കാം.
ജീവിതമെന്തെന്നും ജീവിക്കാനുള്ള -
കൊതി യെന്തെന്നും പഠിപ്പിച്ചേക്കാം
എനിക്കുകീഴെയെന്നു നീകരുതിയ
തൊക്കെ
ഒരിക്കൽ നിനക്കു മേലെയെന്ന് കാട്ടി
തന്നേക്കും.