പുലരിയുടെ പുതപ്പു നീക്കി
മൊബൈൽ ഫോൺ ആദ്യമായി
സമ്മാനിച്ചത്
കുന്തരിക്കത്തിന്റെ മണമുള്ള
ഭാര്യയുടെ ക്രിസ്മസ് ചുംബനം
പാതിരാ കുർബാനയുടെ
ആലസ്യമേൽക്കാത്ത
ക്രിസ്മസ്ട്രീയായി ഞാൻ
പൂത്തുലഞ്ഞു അപ്പോൾ.
കൊച്ചു കുഞ്ഞുപോൽ കണ്ണ്
ചിമ്മിത്തുറക്കുന്ന
കളർ ബൾബിന്റെ മാല ചുറ്റി, തോരണ
ങ്ങൾ ചാർത്തി
വർണ്ണക്കടലാസും, ചെറു നക്ഷത്രങ്ങളും
ആടിയാടി കളിക്കുന്ന ക്രിസ്മസ്ട്രീ.
അവളെന്റെ ആകാശം തൊടും വലിയ
വാൽനക്ഷത്രം
പാലപ്പത്തിന്റേയും .ഇറച്ചിക്കറിയുടേയും
മണമുള്ള
അമ്മയുടെ ആവർത്തിച്ചാവർത്തിച്ചുള്ള
ഇതിനും നീയില്ലെന്ന
വേവലാതിയുടെ മുത്തങ്ങൾ
പുറത്ത് കരോൾ ഗാനത്തിന്റെ
ദ്രുതതാള സൈഡ്രം പോലെ
വണ്ടിയുടെ സൈറൺ വിളി
വൈകുന്നേരംവരെ ആഘോഷത്തിന്
അവധികൊടുത്ത്ജോലിസ്ഥലത്തേക്ക്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ