malayalam blogwriters

http//www.facebook.com/groups/malayalam blog.writers

2016, ഡിസംബർ 18, ഞായറാഴ്‌ച

കുളം: ഒരു വീട്ടമ്മ




കുളം ഒരു കുടുംബിനിയാണ്
വീട്ടകങ്ങളിൽ തളയ്ക്കപ്പെട്ട
ഒരു വീട്ടമ്മയാണ്.
ജലജന്മങ്ങളെ പെറ്റു പോറ്റുന്ന
ഒരു പാവം പെണ്ണ്
മാനം നോക്കി മലർന്നു കിടക്കുന്ന
ത്കാണുമ്പോൾ
നിങ്ങൾക്ക് അശ്ലീലം തോന്നിയേക്കാം!
എത്ര വിഴുപ്പലക്കിയാലും
എന്തു കാണിച്ചാലും
നൊമ്പരമുള്ളിലടക്കി മിണ്ടാതെ നിൽ
ക്കുന്ന
ഒരു പൊട്ടിപ്പെണ്ണെന്ന് നിനച്ചേക്കാം
എന്തെന്തു കാര്യങ്ങൾക്ക് സാക്ഷിയിവൾ
ഓർമ്മകളെ കൊത്തിയെടുക്കുന്നുണ്ട്
മത്സ്യ ച്ചുണ്ടുകൾ
ഏതു ക്രൂരതയിലും പതം പറയാതെ
കണ്ണാടിയായി കാണിച്ചു തരും നിങ്ങൾക്ക്
നിങ്ങളെ
നിങ്ങളുടെ, യെന്തെന്തു രഹസ്യങ്ങളാണ്
അവൾ കാത്തു സൂക്ഷിക്കുന്നത്.
സൂക്ഷിക്കണം; സഹനത്തിനുമൊരതിരുണ്ട്
സ്നേഹത്തിന്റെ ചൂണ്ടയിൽ കൊരുത്ത്
ആഴങ്ങളിൽ നിന്നാഴങ്ങളിലേക്ക്
ചുട്ടു നീറുന്ന ചുഴലികളിലേക്ക്
നിങ്ങളെ താഴ്ത്തിയേക്കാം.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ