കണ്ടതില്ല നബിയെ, ക്രിസ്തുവെ,
കൃഷ്ണനെ, ഗാന്ധിയെ ,
മാർക്സിനെ, ബുദ്ധനെ.
ഹേ.... മഹാരഥൻമാരെ
കണ്ടതില്ല ഞാനിതേവരെ
എവിടെയാണു നിങ്ങൾ?
കേട്ടു ഞാനേറെ
സ്നേഹനിധിയാം നബിയെ
മാനവകുലം ചെയ്ത പാപ-
ച്ചുമടുമായ് കുരിശു വരിച്ചൊരു
ക്രിസ്തുവെ.
ധർമ്മാധർമ്മത്തിൻ തേരുതെളി-
ച്ചൊരു കൃഷ്ണനെ .
അഹിംസയാലൊരു ലോകം -
പണിഞ്ഞൊരുഗാന്ധിയെ.
അദ്ധ്വാന വർഗ്ഗത്തിൻകാൽച്ചങ്ങല
തകർത്ത മാർക്സിനെ.
മൗനമാം ബോധിതൻ തീരത്തു നിന്നും
സത്യമെന്തെന്നു പറഞ്ഞൊരു
ബുദ്ധനെ.
ഹേ ..... മഹാരഥൻമാരെ, എവിടെ
യാണു നിങ്ങൾ ?!
എങ്ങുനിന്നെന്നറിയില്ല കേട്ടു ഞാനൊ-
രശരീരി
നിന്നിലുണ്ട് ഞങ്ങൾ കൺ തുറന്നു നീ
കാണുക!
പിന്നെയാ തെരുവിൻ തിരക്കിലേക്ക്
നോക്കുക
പാതി നഗ്നനായ്, പിച്ചയെടുക്കും പാവമായ്,
സഹായഹസ്തമായ്, സ്നേഹവായ്പ്പായ്,
അഭിമാനമോടെ തൊഴിൽ ചെയ് വോരെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ