അമ്മ തന്നതല്ലാതെ
മറ്റെന്തുണ്ടെനിക്കു സ്വന്തമായ്
അമ്മ മൂളിയ പാട്ടല്ലോ
ഞാൻ പാടി നടക്കുന്നു.
അടുക്കളക്കരികളാൽ അമ്മ -
തുന്നിയ ചിത്രമായ്
എന്റെ ചിത്രമെഴുത്തിന്
അമ്മ തന്നെ മോഡലായ്.
മല്ലി, മഞ്ഞൾ, മുളകിനാൽ
അമ്മ ചാർത്തിയ ചായങ്ങൾ
എന്റെ ചിത്ര രുചിക്കൂട്ടായ്
ഇന്നുമൂറി നിൽക്കുന്നു.
അമ്മ ചുട്ട അപ്പങ്ങൾ
നല്ല നല്ല ചിത്രങ്ങൾ
അമ്മ തന്നെ വരച്ചുള്ള ചിത്രമ
ല്ലോ ഞാൻ തന്നെ.
ഇത്രയെല്ലാമായിട്ടും എത്ര നിസ്സാ
രമായ്
തള്ളിടുന്നു ദിനംപ്രതി
നുളളിടുന്നു വാക്കിനാൽ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ