മിഥുന മോഹങ്ങൾ
കുതിച്ചു പെയ്യുന്നു
മധുര മോഹങ്ങൾ
കിതച്ചു നിൽക്കുന്നു
മദിരയുണ്ടു മദിച്ചവനെപ്പോലെ
മിഥുന മേഘങ്ങളാടി തിമർക്കുന്നു
കർക്കിടകക്കരിമേഘങ്ങൾ വന്നെത്തി
കാർക്കോടകനെപ്പോൽ തുള്ളി വിറയ്ക്കുന്നു
ഇടതടവില്ലാ,തിടിമുഴക്കുന്നു
ജലതരംഗങ്ങളുയർന്നു നിൽക്കുന്നു
കാറ്റു വന്നു മുടിക്കെട്ടിൽ പിടിക്കുന്നു
വലിച്ചിഴക്കുന്നു ,തൊഴിച്ചു തള്ളുന്നു
പീഡനമേറ്റു പിടയുന്നു കാടുകൾ .
കടപുഴകുന്നു മരങ്ങൾ മഹിതിയിൽ
നഷ്ട കഷ്ടങ്ങൾ, ദു:ഖഭാരങ്ങൾ
കരളുകൊത്തിവലിക്കുന്ന ഓർമ്മകൾ
അപ്പോഴും കാണാം അകലെ പച്ചപ്പിൻ
തെളിവെളിച്ചങ്ങൾ മുളയെടുക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ