നിയെൻ ഹൃദയ നികുഞ്ജത്തിൽ
സ്മൃതി തൻ പൂവായ് വിടരുന്നു
സ്നേഹത്തിൻ ചെറുതാഴ്വരയിൽ
ലില്ലി പൂവായ് വിടരുന്നു
കാറ്റിൻ കൈയ്യാൽകരളിൽ തൊട്ട്
പ്രണയത്തിൻ കുളിരേകുന്നു
പല്ലവി പാടി ഞാൻനിർത്തുമ്പോൾ
അനുപല്ലവി നീ പാടുന്നു
മാമ്പൂവിൻ മദഗന്ധം നീ
മാടപ്രാ,പോൽ സ്നിഗ്ധം നീ
അകലേ നാമിരു പേരെന്നാൽ
സ്വപ്നത്തിൽ നാമൊരുമിച്ച്
എന്നുടെ മാനസപുസ്തകത്താളിൽ
നീ പെറ്റുപെരുകും മയിൽ പീലി
പ്രിയേ, നീയൊരു പൂവരശ്
പാരിൽ നേരിൻ പനിനീര്
നീയെൻ ഹൃദയാകാശത്തിൽ
വിടർന്നു നിൽക്കും പൂന്തിങ്കൾ
നീയെൻ പ്രണയക്കുന്നുകളിൽ
പതഞ്ഞു പെയ്യും മഴമേഘം
നീയെൻസ്നേഹ നിലവിളിക്കിൽ
ജ്വലിച്ചു നിൽക്കും നിറദീപം
നീയാമെന്നിൽ നിറഞ്ഞു നിൽക്കും
വാടാ പ്രണയത്തിൻ പൂവ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ