ദേശസ്നേഹം

ദേശഭക്തി
എങ്ങനെയൊക്കെയാണ്
വ്യസ്ഥ ചെയ്യപ്പെട്ടിരിക്കുന്നത്
ജയ് വിളിച്ചോ
സിനിമാ ഹാളിൽ എഴുന്നേറ്റ് നിന്ന്
ദേശീയ ഗാനം ശ്രവിച്ചോ
പശുവിനെ പൂജിച്ചോ
മാംസം ത്യജിച്ചോ
മാടുകളെ വേണ്ടെന്ന് വെച്ച്
പട്ടിണി കിടന്ന് മരിച്ചോ
മതാചാരങ്ങളെ വെടിഞ്ഞോ
അനാചാരങ്ങളെ കൂട്ടുപിടിച്ചോ
ദേശഭക്തി
എങ്ങനെയൊക്കെയാണ്
വ്യവസ്ഥ ചെയ്യപ്പെട്ടിരിക്കുന്നത്
ഈ മണ്ണിൽ പിറന്ന്
ഈ മണ്ണിൽ വളർന്ന്
ഈ മണ്ണിന് വേണ്ടി
ജീവിക്കുന്നവർ ഞങ്ങൾ
ഈ മണ്ണ് ഞങ്ങളുടെ അമ്മ.
അതിർത്തിയിലെ പക്ഷികളെ
പ്പോലെ നിങ്ങൾ
അപ്പുറവും ഇപ്പുറവും പറയുന്നു
നിങ്ങളുടെ ദേശസ്നേഹം
ആർക്കുവേണ്ടിയാണ്
മതത്തിനോ
ജാതിക്കോ
വർഗ്ഗത്തിനോ
മനുഷ്യനോ
മൃഗത്തിനോ
ദേശസ്നേഹം -
എങ്ങനെയൊക്കെയാണ്
അവ്യവസ്ഥിതമാക്കുന്നത്.