മുഷിയുന്നു ജീവിതം.
രാവിലെ എഴുന്നേറ്റാൽ
ഒരൊഴുക്കാണ്
പാതിരാവരെ
ദിനസരികൾ മനപ്പാഠമാണ്.
നടക്കാതെ പോകുന്ന കുറേമോഹങ്ങൾ
പ്രതീക്ഷകളുടെ ഇത്തിരി പഞ്ചസാര
ത്തരികൾ
ദു:ഖങ്ങളുടെ ഒരുകുന്ന്
സന്തോഷത്തിന്റെ ഒരു കൊള്ള്
ഒഴുകുന്നു
ഒഴുകുന്നു
തട്ടിയും, തടഞ്ഞും, ചാഞ്ഞും, ചരിഞ്ഞും
അവിയൽ പരുവത്തിൽ ഒരു ജീവിതം
മനസ്സ് എന്നും അടുക്കളപോലെ
വാരിവലിച്ചിട്ടിരിക്കുന്നു ചിന്തകളെ
ഉള്ളിയരിഞ്ഞ പോലെ, മുളകരച്ചപോലെ
നീറുന്നു.
അപ്പോഴും,
നുറുങ്ങി നുറുങ്ങി പോകുമ്പോഴും
മുഷിവാർന്നതെങ്കിലും
മിഴിവാർന്നു നിൽക്കുന്നു ജീവിതം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ