വായിച്ചു തീർക്കുവാൻ കഴിയാത്ത
വലിയൊരു പുസ്തകമാണവൾ
ഓട്ടു വിളക്കു പോലൊരു പെൺകുട്ടി
ഓർക്കുമ്പൊഴേ നിറന്നു കത്തുന്നു ഉള്ളിൽ
വയൽ വരമ്പിൽ വളരുന്ന കറുകപ്പുല്ല്
കറമ്പിത്തിന്നുന്ന പശുവിനരികിൽ
ഒത്ത ഒരു തറവാട്ടമ്മ.
നാട്ടുമാവുകൾ കുടപിടിച്ചു നിൽക്കുന്ന
തോപ്പിൽ
കളിക്കൂട്ടുകാരി .
കോരിച്ചൊരിയുന്ന മഴയിൽ സ്കൂൾ വഴി
യിൽ
സഹോദരി
ഇടവഴിയിലെ അരളി മരച്ചോട്ടിൽ കാത്തു
നിൽക്കുന്ന
നിറമുള്ള സ്വപ്നങ്ങളിൽ നിറഞ്ഞുനിൽ
ക്കുന്ന
കാമുകി
ക്ഷീണിച്ചു വരുന്ന വേളയിൽ സ്നേഹ
ത്തിന്റെ
പുഞ്ചിരി പൂക്കളുമായി കൊഞ്ചിനിൽക്കുന്ന
മകൾ
കർമ്മങ്ങളിൽ കാര്യകാരണസഹിതം
ഒന്നിച്ചു നിൽക്കുന്ന ഭാര്യ
ദേഷ്യത്തിന്റെ വടിയെടുക്കുമ്പോൾ
സത്യത്തിന്റെ ഭസ്മക്കുറി തൊട്ട്
സ്നേഹത്തിന്റെ നാമം ജപിക്കുന്ന
മുത്തശ്ശി
വായിച്ചു തീർക്കുവാൻ കഴിയാത്ത
വലിയൊരു പുസ്തകമാണവൾ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ