ഞാനും, നീയും
നമുക്കിടയിൽ ഒരു പാലം പണിയാൻ
ശ്രമിച്ചുകൊണ്ടിരിക്കുന്നു
പക്ഷേ;
പുഴയുടെ വീതി കൂടിക്കൊണ്ടിരിക്കുന്നല്ലോ?
എങ്കിലും, ആകാശവീഥിയിൽ
കാണാതെ കണ്ടു നാം നമ്മെ പങ്കുവെ
യ്ക്കുവാൻ ശ്രമിക്കുന്നു
മനസ്സിന്റെ മരത്തടിയിൽ പിടിച്ച്
കടന്നു വരാൻ ശ്രമിക്കുന്നു
മോഹങ്ങൾ കൊണ്ട് നാം നമ്മെ
ഊട്ടുന്നു ,ഉടുപ്പിക്കുന്നു
ഉറക്കത്തിൽ നാം നമ്മിൽ മൂർച്ഛിക്കുന്നു
ഉണർച്ചയിൽ നാം നമ്മിൽ തളിർക്കുന്നു
മഴയിലും, മഞ്ഞിലും, വെയിലിലും
മായാത്ത ഒരു പുഴ നമ്മളിൽ
എന്നായിരിക്കുമിനി നമ്മൾ ഒരു കടലായ്
തിരയായ്ഒന്നായി തീരുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ