നീയൊരു പുഴയായൊഴുകുമെങ്കിൽ
ഞാൻ മഴത്തുള്ളിയായ് പെയ്തു നിൽക്കാം
നീ തിളയ്ക്കുന്നോരരുവിയാകിൽ
നീരാവിയായിഞാനുയരേ,യുയരാം
നീ മുല്ലമലരായി പൂക്കുമെങ്കിൽ
ഞാൻ മുല്ല മണമായി പടർന്നേറിടാം
നീ ചാറ്റൽ മഴയിൽ കുളിക്കുമെങ്കിൽ
കാറ്റായ് ഞാൻ വന്നു തുവർത്തി നിൽക്കാം
രാത്രിയായ് ചമഞ്ഞു നീ നിൽക്കുമെങ്കിൽ
ഞാൻ ചന്ദ്രമുഖമായ് തിളങ്ങി നിൽക്കാം
മൃദുലമാം മെത്ത നീയാകുമെങ്കിൽ
മധുരമാം പ്രണയമായ് മാറിടാം ഞാൻ
നക്ഷത്രമായ്ക്കണ്ണിറുക്കുമെങ്കിൽ
മഴവിൽ മലരായി പുഞ്ചിരിക്കാം
ചില്ലുകൂടായി നീ മാറുമെങ്കിൽ
സ്വർണ്ണമത്സ്യമായി ഞാൻ തുടിച്ചുനി ൽക്കാം.
കാണാതിരിക്കാൻ നിനക്കിഷ്ടമെങ്കിൽ
വാക്കിനെ കവച്ചു നീ കടന്നു പോക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ